Ads by Google

創業通

Lego無限變

用自己雙手可以砌出什麼？一塊一塊不同顏色的積木，組合起來有無限的可能性，只要花點心思，動動腦筋，便可砌出無數的卡通人物、動物、森林，變化無窮。今年 34歲的 Ray，從事 Lego行業近 10年，由開設網上商店，到擁有自己的門市，除了以賣散件多為賣點外，近年更為明星 fans club砌出一個又一個小型紅館，並開設 Lego教學班，當中付出過不少心機與時間，砌過的 Lego更以百萬塊計，做生意和砌 Lego一樣，有很多變化。

採訪當天，記者來到位於葵涌工廠區的玩樂部屋，這裏色彩繽紛，到處都放滿了由 Lego砌成的各種擺設，如斑馬、袋鼠、鴨仔等，但數最矚目的可算是有燈光配置及自動旋轉舞台的紅磡體育館模型。 Ray說：「我喺 10年參加咗香港特色『好去處』比賽，用紅館模型參賽，最後拎到決賽入圍獎項，而呢個模型大約值 6至 7萬。我𠵱家仲會幫 fans club砌小型版嘅紅館送畀偶像，試過砌畀陳奕迅、楊千嬅、小豬（羅志祥）、李治廷等，小型版需要$6,000至$7,000。」
跟不少 80及 90後的孩子一樣， Ray自小學起便很喜歡玩 Lego，到 20歲更開始收藏 Lego公仔，並打算認真看待自己的興趣，希望日後可以砌 Lego作為自己的職業。「 01年日韓世界盃，可口可樂同 7-11 crossover推出 mini figure，我覺得好有珍藏價值，就咁開始儲 Lego人仔。同時開咗自己嘅網上商店，售賣各種現成的 Lego產品，亦會為客人砌唔同嘅擺設。」不少客人對 Ray所砌的各種公仔模型，如史露比、叮噹及麵包超人等都甚為欣賞， Ray亦因此儲到資金，打算開一間門市。

(繼續閱讀...)