車身包圍夠晒惡，車頭好靚！顏色扮低調，其實好招搖。 

專題 Log In

驚異之旅　 Audi RS6 Avant& VW Passat Variant R36

560匹馬力係超級跑車應該擁有嘅本錢，快，係必然嘅事，配喺又闊又扁嘅車身係理所當然。但如果配喺 Audi A6 Avant上又會點？即成為地上最強旅行車 RS6！呢類 super wagon一直有擁躉，有線電視球彩台主持 Lapman就係其中之一，之前揸 A4 Avant，𠵱家升級揸緊有 300匹馬力嘅 VW Passat Variant R36中型辣旅，當筆者邀請佢一齊測試 RS6，佢一口應承，而且感受良多：「高性能旅行車係家庭男人屈服喺 7人車前嘅最後防線呀！」

旅行車已經唔再係單單追求實用，仲可以係生活態度、型格，甚至係性能表現。之所以有咁嘅改變，除因為科技進步外，更重要係用家心態唔同咗。單身一族揸部 Roadster有型有款，但有咗家庭之後又放唔低開快車嘅快感，就促使高性能旅行車誕生，滿足個人，又滿足家人。

R36車主 Lapman 

RS6鬼面罩首次加上 quattro字樣，標榜著名四驅。 

爆肌大碼車身

全新第 4代 A6推出超過一年，壓軸嘅 RS6終於登場，既然係頂級，外表當然大改！ RS6同 A6最大分別一定係車頭設計，泵把兩側同下方有金屬擾流，而鬼面罩下面仲首次加咗大大個 quattro字樣。此外，四輪沙板都向外拋出，令到外表望落似玩開 gym嘅大隻佬。「我未見到真車前都有睇過 RS6嘅資料，知道佢比我部 R36大，但估唔到車身大我部車一個碼！」新一代 RS6唔單只比 Lapman部 R36大，比上代都長咗 56mm、闊 47mm、高 1mm。不過有賴廠方大刀闊斧為車架輕量化，車架用上達 20%鋁材，令整體車重反過嚟比上代輕 100kg！再次重回 2,000kg以下水平。

(繼續閱讀...)